Сканчаецца жніво грэчкі й проса ў Беларусі. Ураджайнасць грэчкі сёлета на палову вышэйшая, чым летась. Збіраюць каля 15,2 цэнтнераў з гектара, а ў мінулым годзе было толькі каля 10.
Усяго намалоцяць каля 56 тыс. тон грэчкі, або каля 6 кг на кожнага жыхара. Дзякуючы гэтаму можна чакаць зніжэння цэнаў на гэтыя ўлюбёныя і дужа карысныя крупы, якія ў выніку леташняга неўраджаю цэлы год былі недакупна дарагія.
