Расійскі бок пагадзіўся стварыць трохбаковы газатранспартны кансорцыум
Раней у панядзелак Азараў заявіў, што Расея пагадзілася перагледзець умовы газавага кантракта, нягледзячы на тое, што раней называла прапановы Украіны непрымальнымі.
«Мы канчаткова змаглі дасягнуць пагаднення з Расіяй па пераглядзе кантракту», — сказаў Мікола Азараў.
Перад гэтым ўкраінскія выданні са спасылкай на Азарава напісалі, што ў лістападзе Расея і Украіна зменяць ўмовы супрацоўніцтва ў газавай сферы. Пакуль вядома толькі аб двух пунктах будучых зменаў. Паводле яго слоў, на сустрэчы прэзідэнтаў Украіны і Расіі Віктара Януковіча і Дзмітрыя Мядзведзева была дасягнутая дамоўленасць аб паніжэнні тарыфу на транспартванне газу тэрыторыяй Украіны да ўзроўню сабекошту. У сваю чаргу, Расея знізіць кошт на газ для патрэбаў Украіны ў дзвюх сферах: бюджэтнай і сацыяльнай.
У адрозненне ад Беларусі Украіна катэгарычна не пагаджаецца прыватызаваць свае газаправоды ў рукі «Газпрома», няглядзячы на тое, што ў адплату Масква задзерла цэны на блакітнае паліва.
