У канцы нарады па інвестпраектах у Мінску Аляксандр Лукашэнка даў даручэнне пакараць службовых асобаў, якіх падазраюць у неналежным выкананні сваіх абавязкаў. «Што датычыць усяго будаўнічага комплексу, пракантралюйце, Уладзімір Уладзіміравіч [кіраўнік Адміністрацыі прэзідэнта Уладзімір Макей], усе павінны быць „выразаны“, пачынаючы ад Нікіціна [галоўнага архітэктара Мінска] і заканчваючы сакратарамі. І барані бог, вы мне не даложыце праз тыдзень аб прыняцці гэтых мер. Вінаваты Радаман [намеснік старшыні Мінгарвыканкама Сяргей Радаман], — значыць, і з ім разбірайцеся», — даручыў Лукашэнка.
«Усё павінна быць прыведзена ў адпаведнасць. Туды павінны прыйсці сумленныя і прыстойныя людзі. Няпраўда, што там мала грошай і нельга іх зарабіць. Няхай скароцяць напалавіну бюракратычны апарат, а сэканомленую зарплату падзеляць на тых, хто там застаўся. Яны будуць атрымліваць добрую зарплату і вырашаць хутчэй і аператыўней пытанні», — запатрабаваў кіраўнік дзяржавы.
Аляксандру Якабсону Лукашэнка даручыў дэталёва разабрацца з цаной праектавання аб’ектаў: «Трэба ўсіх прымусіць працаваць па еўрапейскіх стандартах, хоць там розніца з нашымі ўмовамі вялікая, там зарплаты шалёныя. А ў нас у 2 разы даражэй атрымліваецца. Умяшайцеся і імем рэвалюцыі навядзіце парадак і мне далажыце».
На асаблівым кантролі кіраўнік дзяржавы даручыў трымаць будаўніцтва бюджэтных аб’ектаў: «Разбярыцеся, чаму пратэрмінаваны тэрміны. А не дай бог, бацька сыну прадае матэрыялы, а той на вытворчасць іх перапрадае — неадкладна наручнікі і ў турму».
«На беларускую прадукцыю не павінна быць ніякіх пасрэднікаў. Праверыць і вывернуць ўсё навыварат», — запатрабаваў Аляксандр Лукашэнка.
«Кастрычнік месяц — я вам даю час для таго, каб вы навялі ідэальны парадак. Па кадрах разбіраецца Уладзімір Макей.
