4 кастрычніка ў Магадзіша прагрымеў магутны выбух. Фота АР.
4 кастрычніка ў Магадзіша прагрымеў магутны выбух. Фота АР.
4 кастрычніка ў Магадзіша прагрымеў магутны выбух. Фота АР.
У сталіцы Самалі Магадзіша каля комплексу ўрадавых будынкаў 4 кастрычніка прагрымеў магутны выбух. Галоўны будынка цалкам разбураны, загінулі дзясяткі чалавек, па розных ацэнках ад 50 да 70.
Паводле папярэдняй інфармацыі, начынены выбухоўкай аўтамабіль падарваў тэрарыст-смяротнік. Адказнасць за тэракт узяла на сябе ісламісцкая групоўка Аль-Шабаб, набліжаная да Аль-Каіды. Групоўка кантралюе большую частку краіны ў цэнтральных і паўднёвых раёнах.
Ад 1991 года ў Самалі няма цэнтралізаванай улады. Ісламісцкім групоўкам супрацьстаіць малаўплывовы пераходны ўрад. Яго падтрымліваюць міратворчыя сілы ААН.
Няпростую і без гэтага сітуацыю ў краіне ўскладняе моцная суша, з-за якой вялікая частка краіны галадае. Многія пакінулі родныя мясціны і перамяшчаюцца ў сталіцу ў разліку на атрыманне гуманітарнай дапамогі.
