Дванаццацігадзінная GPS-гонка пройдзе 15–16 кастрычніка па забалочаных месцах і забытых дарогах Брэсцкай вобласці.
Пра гэта расказаў адзін з кіраўнікоў пазадарожнага клуба «Цытадэль» Сяргей Катасанаў.
Паводле яго словах, у трофі-рэйдзе чакаецца ўдзел некалькіх дзясяткаў машын, у тым ліку чатырох джыпаў гродзенскай каманды. Прычым, у адрозненне ад папярэдніх гонак, арганізатары вырашылі запрасіць як спартоўцаў-джыпераў, так і тых, хто проста хоча сябе выпрабаваць, убачыць найпрыгажэйшую прыроду, гістарычныя месцы і тое, як жывуць палешукі. Такім чынам, удзельнікі змогуць не толькі пазмагацца за прыз, але і глынуць драйву, і паспытаць рамантыкі, лічаць арганізатары.
vgr.by
Хочаш падзяліцца важнай інфармацыяй ананімна і канфідэнцыйна?
Пішы ў наш Тэлеграм
