Намеснік Адміністрацыі прэзідэнта Беларусі Андрэй Кабякоў заявіў аб эфектыўнасці мер, што прымаюцца ўладамі па пераадоленні крызісу.
«Ёсць перадумовы да таго, што да канца года праблемы на валютным рынку будуць пераадолены»,— сказаў ён, выступаючы 7 кастрычніка на
У прыватнасці, паводле слоў Кабякова, намеціліся станоўчыя тэндэнцыі ў знешнім гандлі. «У 2010 годзе адмоўнае сальда склала да 14% ВУП. Між тым, пачынаючы з
Бягучае адмоўнае сальда ніжэйшае па сваім абсалютным значэнні, чым ў 2010 годзе, паведаміў Кабякоў. «Цяпер ад графіка 2010 года мы ідзем лепш на 327 мільёнаў долараў», — дадаў ён.
Пры гэтым Кабякоў нагадаў, што менавіта дэфіцыт знешняга гандлю з’яўляецца адной з прычын валютнага крызісу ў краіне. Са стабілізацыяй сітуацыі ў знешнім гандлі будзе вырашацца і праблема на валютным рынку, падкрэсліў намеснік кіраўніка прэзідэнцкай адміністрацыі.
Паводле яго слоў, да праблем на валютным рынку прывёў значны за апошнія гады рост цэн на энерганосьбіты. «Але, нягледзячы на ўсе цяжкасці, краіна захоўвае высокую інвестыцыйную актыўнасць. У нас удзельная вага інвестыцый у асноўны капітал за мінулы год — 38%», — заявіў Кабякоў.
Такая ўдзельная вага, адзначыў ён, дазваляе забяспечваць пашыранае ўзнаўленне асноўных сродкаў. «Пры гэтым у нашых асноўных гандлёвых партнёраў гэты паказчык складае 20–22%», — заўважыў намеснік кіраўніка адміністрацыі.
Кабякоў падкрэсліў: актыўная інвестыцыйная палітыка, нацэленасць на мадэрнізацыю патрабуюць павышаных затрат і з’яўляюцца прычынай правядзення макраэканамічнай карэкцыі.
Ён таксама нагадаў аб палітыцы, якая праводзіцца ў Беларусі, па выраўноўванні цэн з Расіяй — «каб не дапусціць масавага вывазу тавараў за межы краіны». Часткова ў сувязі з гэтым за восем месяцаў інфляцыя склала 53,6%, дапоўніў Кабякоў.
Між тым, адзначыў ён, улады па меры магчымага праводзяць сацыяльную палітыку, нацэленую на павышэнне грашовых даходаў насельніцтва. «Думаю, да канца года мы ў асноўным павінны справіцца з усімі праблемамі»,- упэўнены Андрэй Кабякоў.
