Індэкс спажывецкіх цэн на тавары і паслугі ў верасні 2011 адносна снежня 2010 года ўзрос на 74,5%, паведамілі ўпрэс-службе Нацыянальнага статыстычнага камітэта. Адносна жніўня цэны ўзраслі на 13,6%, верасня 2010 года — на 79,6%.
Цэны на харчовыя тавары ў верасні 2011 года ў параўнанні са жніўнем 2011 года ўзраслі на 18,6%, у параўнанні са снежнем 2010 года — на 84,2%.
Больш за ўсё ў верасні падаражэлі: яйкі — на 31,2%, тытунёвыя вырабы — на 30,8%, мяса і птушка — на 26,5%, агародніна — на 25,5%, алкагольныя напоі — на 24,9%, каўбасныя вырабы і вэнджаніна — на 22,5%, рыба і морапрадукты — на 17,6%,кансервы рыбныя — на 11,6%, малако і малочныя прадукты — на 15,8%, сыры — на 13%, масла сметанковае — на 20,3%, цукар — на 19,9%.
Алей падаражэў на 12,3%, хлеб і хлебабулачныя вырабы — на 10,1%, мука пшанічная — на 13,4%, кандытарскія вырабы — на 11,9%, гарбата — на 8,2%, садавіна — на 13,7%, макаронныя вырабы — на 3,7%, крупы — на 5,4%.
Цэны на бульбу знізіліся на 11,3%.
Індэкс цэн на нехарчовыя тавары ў верасні 2011 года ў параўнанні са жніўнем 2011 года ўзрос на 10,5%, са снежнем 2010 года — на 86,4%. У верасні ў параўнанні са жніўнем падаражэлі: бытавыя электрапрыборы — на 14,9%, медыкаменты — на 14,8%, мэбля — на 14,7%, швейныя вырабы — на 13,9%, абутак — на 12,8%, посуд — на 13,2%,
Рост цэн і тарыфаў на платныя паслугі насельніцтву ў верасні ў параўнанні са жніўнем склаў 5%, са снежнем 2010 года — 33,8%. Найбольш падаражэлі паслугі гарадскога пасажырскага транспарту — на 6,3%, паветранага — на 50,3%, прыгараднага аўтамабільнага — на 5%, міжгародняга аўтамабільнага — на 4,1%. Узраслі цэны на паслугі вышэйшай адукацыі — на 16,5%, медыцынскія — на 6,5%, тэатраў — на 10,8%, канцэртных залаў і
Не змяніліся цэны на электра- і газазабеспячэнне, паслугі ўнутрырэспубліканскіх і прыгарадных чыгуначных зносінаў.
На 11,9% знізіліся цэны на паслугі чыгуначных міжнародных зносінаў.