Футбол. U-21. Беларусь прайграла Грэцыі 1

У чарговым адборачным матчы маладзёжнага чэмпіянату Еўропы па футболе-2013, які прайшоў 11 кастрычніка ў Барысаве, зборная Беларусі прайграла камандзе Грэцыі з лікам 1:3 (Патоцкі, 40 — Лебедзеў, 56, у свае вароты, Патурыдзіс, 67, Веліёс, 68).

Склад гаспадароў: Шчарбакоў, Ясінскі (Алексіевіч, 46), Палякоў (Залескі, 76), Бага (капітан), Куган, Патоцкі, Хлебасолаў, Макась (Іваноў, 63), Кандрацьеў, Кузьмянок, Лебедзеў. На 20-й хвіліне Кузьмянок атрымаў папярэджанне.

Грэцыя ўзяла рэванш за дамашняе паражэнне 10 жніўня (2:3).

11 кастрычніка яшчэ ў адным матчы групы 1 Боснія і Герцагавіна разграміла Кіпр — 5:1.

Становішча каманд: Германія — 15 ачкоў (5 гульняў; розніца мячоў 23–1), Грэцыя — 9 (4; 9–4), Боснія і Герцагавіна — 7 (4; 9–5), Беларусь — 7 (5; 8–8), Кіпр — 3 (5; 9–14), Сан-Марына — 0 (5; 0–26).

11 лістапада каманда Юрыя Шуканава згуляе на выездзе з Сан-Марына.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ