Рост продажаў пральных машын вырас амаль удвая

У студзені-верасні 2011 года ў Беларусі адзначаны заўважны рост продажу бытавой тэхнікі ў параўнанні з аналагічным леташнім перыядам.

Паводле звестак Белстата,

у 1,54 разу было больш прададзена халадзільнікаў і маразільнікаў (235,4 тыс.), на 89,6% вырас продаж пральных машын (181,6 тыс.), на 8,6% — тэлевізараў (165,5 тыс.).

Вытворчасць пральных машын за дзевяць месяцаў вырасла на 8,6% (230,7 тыс. шт.), бытавых халадзільнікаў і маразільнікаў — на 13% (938,8 тыс. шт.).

У цэлым у студзені-верасні аб’ём вытворчасці машын і абсталявання вырас на 13,9% і склаў 18 трлн. 312,6 млрд. рублёў.

Па некаторых відах машынабудаўнічай прадукцыі адзначаны спад вытворчасці. На 43,6% менш выпушчана вежавых кранаў (62 шт.), на 51,9% — дрэваапрацоўчых станкоў (15.036 шт.), на 6,1% — зернеўборачных камбайнаў (1.878 шт.), на 0,6% — ЗВЧ-печак (232,3 тыс. шт.).

Павялічылася вытворчасць трактароў — на 41,5% (47,1 тыс.), падшыпнікаў качання — на 14,2% (3 млн. 934 тыс. шт.), ліфтоў — на 8,4% (6.601 шт.), пагрузчыкаў — на 22,2% (2.084 шт.), металарэзных станкоў — на 18,8% (3.235 шт.).

Разам з тым, запасы некаторых відаў машынабудаўнічай прадукцыі перавышалі аб’ёмы іх сярэднямесячнай вытворчасці. Так, запасы падшыпнікаў качання склалі 715 тыс. шт. (163,6% да сярэднямесячнага аб’ёму вытворчасці), кавальска-прэсавых машын — 24 шт. (149%), цэнтрабежных помпаў — 1,9 тыс. шт. (113,1%), металарэзных станкоў — 570 шт. (159,2%).

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ