Найхаладней будзе з канца лістапада да студзеня.
На ўсходзе Еўропы і ў краінах Балтыі ў найбліжэйшыя месяцы чакаецца халодная і сухая зіма, а ў Паўднёвай Еўропе - мяккая, ветраная і сырая, паведаміў у інтэрв'ю Reuters галоўны метэаролаг Сусветнай службы клімату Рычард Джэймс.
«Мы ўбачым яшчэ адну незвычайна халодную зіму, калі зрэдку будзе ісці снег на тэрыторыі ад Брытанскіх выспаў і да краін Балтыі», - сказаў ён.
Такія ўмовы надвор'я магчымыя з-за таго, што ў Еўропе працягвае дамінаваць фаза негатыўных паўночнаатлантычных ваганняў, сказаў Джэймс. Пра больш раннія халады ў Еўропе паказвае і тое, што ў Ціхім акіяне такія кліматычныя з'явы як El Nino і La Nina ў гэтым сезоне выявіліся раней, чым звычайна.
Найхаладней будзе з ранняй зімы да яе сярэдзіны (з канца лістапада да студзеня),у лютым сіноптыкі прагназуюць больш умераныя маразы.
Джэймс прызнаў, што верагоднасць таго, што гэты прагноз спраўдзіцца, вельмі высокая, бо амаль усе індыкатары паказваюць на адзін і той жа напрамак.
Ён таксама адзначыў, што такія зімы могуць і быць і ў наступныя гады, што, у тым ліку, звязана і з сонечнай актыўнасцю.
Каментары