У Екацярынбургу падлетак ударыў педагога нажом у спіну. Гэта адбылося проста ў калідоры адукацыйнай установы,
паведамляюць «Весці».
Пасля 6-га ўрока, каля другой гадзіны, настаўнік выйшаў з кабінета геаграфіі. Пайшоў па калідоры, як сам расказаў медыкам, пакуль ішоў, адчуў у паясніцы рэзкі боль, прыклаў руку і ўбачыў кроў. Калегі выклікалі «хуткую». Настаўніка геаграфіі даставілі ў ГКБ № 23. «Дастаткова глыбокая рана ў паяснічнай вобласці. Першасная апрацоўка раны праведзеная, стан здавальняючы, мужчына будзе знаходзіцца па месцы жыхарства», — сказаў хірург Андрэй Ткачэнка
Настаўнік, на якога напаў падлетак, працуе ў гэтай школе ўсяго год. Калегі кажуць, што ён ніколі ні з кім асабліва не канфліктаваў. Да сённяшняга дня.
«Удалося высветліць, што хлопец прагуляў урок. Здарыўся канфлікт, і адбылося надзвычайнае здарэнне. Знойдзеная прылада — гэта нож 6 сантыметраў, удар прайшоў па датычнай», — паведаміла супрацоўнік
прэс-службы ГУ МУС РФ па Свярдлоўскай вобласці Наталля Мудрэнка.
Пра вучня 9-га класа, што прынёс нож у школу, педагогі нічога асаблівага сказаць не могуць. «Вучань вучыўся здавальняюча. Стаіць на ўліку з 2010 года», — сказала намеснік дырэктара па навучальна-выхаваўчай працы школы № 81 Маргарыта Жабрэева. Ён быў асуджаны ўмоўна, на адзін год, за хуліганства. Падлетка ўжо затрымалі, цяпер ён знаходзіцца ў СІЗА. Але прыцягнуць яго за ўдар нажом будзе няпроста. Крымінальная адказнасць наступае з 16 гадоў. А яму — 15.
«Па прынцыпе цяжару шкоды будзе вырашацца пытанне аб крымінальнай адказнасці. Крымінальнай справы пакуль няма, пракуратура пачала праверку», — адзначыла старшы памочнік пракурора Свярдлоўскай вобласці Вольга Цяцерына.
vesti.ru
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
