Завершана будаўніцтва абходнай аўтадарогі вакол нацыянальнага парку «Белавежская пушча», паведаміў 27 кастрычніка напрэс-канферэнцыі намеснік міністра транспарту і камунікацый — дырэктар дэпартамента «Белаўтадар» Анатоль Лыцін.
«Дарога практычна гатова да эксплуатацыі, рыхтуюцца акты ўводу», — сказаў ён.
Будаўніцтва абходнай дарогі вакол тэрыторыі нацпарка «Белавежская пушча» ажыццяўлялася ў адпаведнасці з даручэннем прэзідэнта. Працягласць дарогі склала прыблізна 200 км. Яна пабудавана па параметрах чацвёртай катэгорыі з шырынёй асфальтабетоннага пакрыцця 9 м і сучаснай інжынернай інфраструктурай. Рэалізацыя праекта ажыццяўлялася за кошт дзяржаўнага мэтавага бюджэтнага фонду нацыянальнага развіцця.
Урачысты ўвод трасы ў эксплуатацыю запланаваны на 7 лістапада.
0
0
0
0
0
0
