Матч 1/8 фіналу Кубка Беларусі па футболе «Дынама» Брэст — БАТЭ меўся прайсці 21 верасня, але з прычыны ўдзелу барысаўскага клуба ў групавым раўндзе Лігі чэмпіёнаў быў ссунуты на больш позні тэрмін.
Стала вядома, што ён пройдзе 13 лістапада ў Брэсце,паведамляе сайт барысаўскага клуба.
Сайт БАТЭ таксама паведамляе, што пачаўся продаж абанементаў на хатнія матчы клуба ў сезоне 2012 года. Кошт — 250 тыс. рублёў.
***
Раней у чвэрцьфінал Кубка Беларусі па футболе выйшлі:
мінскі СКВІЧ (першая ліга), Ліда (другая ліга, а налета — ужо першая), «Клечаск» (першая ліга), «Нафтан», «Нёман», «Гомель».
Таксама 13 лістапада пройдзе кубкавы матч паміж «Мінскам» і «Белшынай».
Матчы 1/4 фіналу пройдуць ужо вясной 2012 года.
0
0
0
0
0
0
