Пра гэта паведамілі карэспандэнту БЕЛТА у Рэспубліканскім гідраметэацэнтры.
Прагназуецца, што сярэдняя тэмпература паветра зімой будзе на 0,5-1 градус ніжэйшая за кліматычную норму, якая складае мінус 5,5 градуса.
"Так халодна ў Беларусі за пасляваенны перыяд было толькі ў 1953, 1960, 1976, 1978, 1986, 2006 гадах і мінулай зімой",- адзначылі спецыялісты Рэспубліканскага гідраметэацэнтра.
Колькасць дзён з тэмпературай ніжэйшай за мінус 20 градусаў чакаецца ад 10-15 дзён па паўднёвым захадзе да 19-23 дзён па паўночным усходзе краіны.
Паводле сярэдніх шматгадовых назіранняў, звычайна такія маразы ў нашай краіне размяркоўваюцца наступным чынам: ад 5-10 дзён у паўднёва-заходніх рэгіёнах да 14-19 на паўночным усходзе краіны.
Сярэдняя колькасць ападкаў у гэты зімовы сезон чакаецца менш за кліматычную норму -- яна складае 115 мм. За апошнія 10 гадоў дэфіцыт ападкаў адзначаўся зімой 2003, 2006 і 2008 гадоў.
Паводле папярэдніх прагнозаў Рэспубліканскага гідраметэацэнтра, першыя два зімовыя месяцы будуць маласнежнымі, а вялікая колькасць ападкаў (вышэй за кліматычную норму) выпадзе ў лютым.
Зімовае надвор'е ў Беларусі чакаецца ў другой палове лістапада.
Нагадаем, што раней з папярэджаннем пра халодную зіму выступалі брытанскія метэаролагі. і Сусветная метэаслужба
