Учора ноччу ў спевака Аляксея Хлястова нарадзілася дачушка Варвара.
Гэта другое дзіця Аляксея і яго жонкі Алены. Першым быў Арцём (яму зараз 6 гадоў). Ёсць яшчэ
Са слоў Аляксея, на гэтым ён не намераны спыняцца і ў ідэале жадае мець пяцёра дзяцей.
Імя дачцэ выбіралі разам з жонкай. «Добра гучыць — Варвара Аляксееўна Хлястова», кажа спявак. Лічыць, што больш падобная да маці, хоць, канешне, пакуль рана меркаваць.
Жонка Алена пасля родаў пачувае сябе добра. Праўда, зараз яна знаходзіцца ў інфекцыйнай палаце, куды нікога не пускаюць, бо нядаўна прастудзілася.
«Навіну пра з’яўленне сястрычкі сын успрыняў выдатна. Ездзіў са мной учора ў радзільню, глядзеў на яе», — кажа Аляксей. «Яна нават вочкі не расплюшчыла!» — чуецца голас хлопчыка на заднім фоне.
«Наша Ніва» віншуе сям’ю Хлястовых з папаўненнем і зычыць ёй шчасця і дабрабыту.
Аляксей Хлястоў. «Погляд дзявочы».
0
0
0
0
0
0
