Улады Лівіі арыштавалі экс-кіраўніка дзяржбяспекі 4
Ён хацеў здацца Міжнароднаму крымінальнаму трыбуналу ў Гаазе, каб пазбегчы вышэйшай меры пакарання.
Узброеныя фарміраванні новых уладаў Лівіі арыштавалі ў нядзелю экс-кіраўніка ваеннай разведкі Муамара Кадафі Абдулу ас-Сенусі на поўдні краіны, паведамляе Reuters і тэлеканал Free Libya.
«Батальён захапіў Абдулу ас-Сенусі ў доме яго сястры ля горада Себха», — паведамляе тэлеканал Free Libya.
Раней паведамлялася, што ас-Сенусі збег у канцы кастрычніка ў Нігер.
У суботу быў арыштаваны сын Муамара Кадафі Сейф аль-Іслам, якому пагражае смяротнае пакаранне за злачынствы супраць чалавечнасці.
Сейф аль-Іслам і Абдула аль-Сенусі
мелі намер самі здацца Міжнароднаму суду ў Гаазе, дзе не прадугледжана вышэйшая мера пакарання.
У нядзелю новыя ўлады Лівіі прагаласавалі за тое, каб сын Сейф аль-Іслам, захоплены ў суботу, паўстаў перад судом у Лівіі, а не быў перададзены Міжнароднаму трыбуналу, бо здзейсніў шмат злачынстваў супраць народа Лівіі.
