Пра гэта паведаміў часовы павераны ў справах Баліварыянскай Рэспублікі Венесуэла ў Беларусі Амерыка Дыяс Нуньес. Прадугледжваецца, што адкрыццё пасольства адбудзецца ў першым квартале 2007 года.
Паводле ацэнкі дыпламата, апошнім часам узровень адносін паміж дзвюма краінамі істотна павысіўся. «Ёсць вялікія перспектывы і рэальныя ўмовы для пашырэння эканамічнага, культурнага і палітычнага ўзаемадзеяння. Венесуэльскі ўрад лічыць супрацоўніцтва з Беларуссю ў многіх галінах стратэгічным», — падкрэсліў Амерыка Дыяс Нуньес.
Як адзначыў часовы павераны, Беларусь і Венесуэла маюць падобныя погляды адносна мадэлі сацыяльнага развіцця і неабходнасці пабудовы шматпалярнага свету.
4 лютага 2007 г. споўнілася 10 гадоў з дня ўстанаўлення дыпламатычных адносін паміж Беларуссю і Венесуэлай.
Паводле інфармацыі Міністэрства замежных спраў, аснову беларускага экспарту ў Венесуэлу ў 2006 годзе склалі пастаўкі калійных угнаенняў і грузавых аўтамабіляў. У ліпені 2006 года адбыўся афіцыцйны візіт у Беларусь прэзідэнта Баліварыянскай Рэспублікі Венесуэла Уга Чавеса, у час якога дасягнуты важныя дамоўленасці аб стварэнні стратэгічнага альянсу дзвюх краін, сумеснай рэалізацыі праектаў у гандлёва‑эканамічнай і іншых сферах.