Лукашэнка навучыць кіруючых работнікаў імпартазамяшчэнню 2

Пастаянна дзейны семінар кіруючых работнікаў рэспубліканскіх і мясцовых дзяржаўных органаў на тэму «Імпартазамяшчэнне як важнейшы фактар дасягнення збалансаванага развіцця эканомікі Рэспублікі Беларусь» пройдзе 15–16 снежня пад кіраўніцтвам Аляксандра Лукашэнкі.

У мерапрыемстве прымуць удзел

вышэйшыя службовыя асобы краіны, кіруючыя работнікі Адміністрацыі Прэзідэнта, Нацыянальнага сходу, Савета Міністраў, а таксама міністэрстваў і ведамстваў, прадстаўнікі судовых органаў, Генпракуратуры, Кіраўніцтва справамі Прэзідэнта, мясцовых органаў дзяржаўнага кіравання, кіраўнікі важнейшых сродкаў масавай інфармацыі.

Асноўная задача семінара

 — абмеркаваць канкрэтныя прапановы па інавацыйным развіцці дзяржавы, стварэнні ўмоў для забеспячэння рытмічнай работы прадпрыемстваў, мадэрнізацыі вытворчасці ў мэтах імпартазамяшчэння і нарошчвання выпуску канкурэнтаздольнай прадукцыі.

У цэнтры ўвагі, у тым ліку на практычных занятках у вучэбных групах, будуць такія тэмы, як стымуляванне прыцягнення прамых замежных інвестыцый для структурных пераўтварэнняў эканомікі, развіццё дзяржаўна-прыватнага партнёрства ў рабоце па імпартазамяшчэнню і стымуляванню экспарту, уключэнне ў гэты працэс малога бізнесу.

Плануецца таксама абмеркаваць пытанні больш эфектыўнага выкарыстання навуковага патэнцыялу рэспублікі і практычнага ўкаранення навукова-тэхнічных распрацовак.

Асобная ўвага будзе ўдзелена сучасным метадам менеджменту і маркетынгу з выкарыстаннем iнфармацыйна-камунікацыйных тэхналогій; падатковаму рэгуляванню дзейнасці экспартаарыентаваных прадпрыемстваў; сістэме дзяржаўнай падтрымкі экспарту ў форме страхавання экспартных крэдытаў, а таксама мэтавага крэдытавання экспарту; развіццю вытворча-тэхналагічнай кааперацыі беларускіх і замежных кампаній, размяшчэнню на тэрыторыі краіны філіялаў замежных прадпрыемстваў.

Асноўная частка семінара пройдзе ў Палацы Рэспублікі,

дзе кіраўнікі міністэрстваў, ведамстваў і арганізацый прадставяць падыходы па розных напрамках у імпартазамяшчэнні. У другой палове дня 15 снежня на базе арганізацый і прадпрыемстваў Мінска і Мінскай вобласці будуць арганізаваны практычныя заняткі ў 12 вучэбных групах.

***

Семінар кіруючых работнікаў, які рэгулярна праводзіцца з 1996 года, дае магчымасць кіраўнікам рэспубліканскага і мясцовага звяна глыбей азнаёмiцца з важнейшымі напрамкамі дзяржаўнай палітыкі, абменьвацца вопытам па іх рэалізацыі, выпрацоўваць правільныя кіраўніцкія рашэнні.-

Паводле БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ