Гарадзенскае аддзяленьне «Таварыства беларускай школы» сумесна з «Беластоцкім цэнтрам культуры» плянуе ў сакавіку прэзэнтацыю праекту «Filmowe Podlasie Atakuje».
«Filmowe Podlasie Atakuje» была ўтворана ў 2004 г. аматарамі кіно і супрацоўнікамі «Беластоцкага цэнтру культуры». Праект ствараўся з мэтаю папулярызацыі незалежнага кіно паўночна‑ўсходняй часткі Польшчы. Гэта менавіта тая частка Польшчы, як кажуць стваральнікі FPA, на якой сустракаюцца мноства культураў і рэлігіяў, зямля мастакоў, зуброў, дзікай прыроды і таго адзінага патэнцыялу, які мае выйсьце ў арыгінальных творчых дзеяньнях. За час існаваньня FPA наведаў больш за 50 гарадоў у Польшчы, Беларусі, Украіне, Латвіі, Чэхіі і Нямеччыне.
Прэзэнтацыя мае адбыцца 9 сакавіка а 18:30.
0
0
0
0
0
0
