Прэс-канферэнцыя Аляксандра Лукашэнкі, пытанне ад Валянціна Жданко, радыё «Свабода»: «Ці не наспелі палітычныя рэформы ў Беларусі?» Ён прыводзіць прыклад задуманых палітычных рэформаў у Расіі.
Лукашэнка адказаў: каго народ выбярэ, той і будзе. Але сказаў, што будзе выказваць сваё меркаванне і ўплываць на народ. «І я пабачу, колькі там будзе ад апазіцыі і ад пятай калоны».
«Ваш падтэкст непрымальны», — адрэзаў ён. Зняважліва адгукнуўся пра ідэю камераў відэаназірання на кожным участку.
Пасля гэтага ён доўга хваліў сябе, што ён не церпіць ліслівасці. Расказваў, што заўжды любіць выслухоўваць розныя пункты гледжання. Расказваў, якія дэбаты адбываюцца ў беларускім парламенце, але ён просіць не выносіць іх на публіку.
«Дыктатура — толькі ў руках прэзідэнта», — сказаў ён. А на ўзроўні ўрада ўсё адбываецца дэмакратычна, галасаваннем, даказваў ён.І папракаў журналістаў, што яны не хочуць аналізаваць гэтых тонкасцяў. «Вы мяне клеплеце нават там, дзе я таго не заслугоўвае», — крыўдаваў ён. Прывёў прыклад самасуда ў Пухавічах Жыткавіцкага раёна, калі ягонае рашэнне адпусціць людзей крытыкуюць.
«Вы што, сапраўды лічыце, што я фальсіфікаваў гэтыя выбары? — папытаўся ён, гледзячы ў вочы журналісту. — Я стараюся ўсё рабіць шчыра і па справядлівасці».
На 10-й хвіліне адказу ён прыйшоў да пытання рэформаў.
«Нават тое, што я сказаў, што буду ўмешвацца, я не буду ўмешвацца», — пярэчыў ён таму, што казаў 8 хвілін назад.
Даказваў, што апазіцыя не пройдзе ў парламент, калі нават яе пад абедзве рукі будуць весці пад рукі. Расказваў, як ён шукаў апазіцыянераў у парламент і не мог знайсці. Расказваў, што, маўляў, апазіцыянеры не прыходзілі на сустрэчы з выбарцамі і таму за іх не прагаласавалі, нават калі ўлада была гатовая, каб іх абралі.
Перайшоў на Бяляцкага, бэсціў яго.
«А рэформы будуць», — сказаў нарэшце ён на 16-й хвіліне. Што ўсе зразумелі, як: рэформаў не будзе.
