Разумныя тэлефоны (смартфоны) здабываюць усё большую папулярнасць сярод беларусаў, перадусім праз сваю даступнасць.
Б/Шмат прапаноў з растэрміноўкай маюць і мабільныя аператары. Калі заключыць з імі дамову, давядзецца плаціць каля 100 тысяч рублёў штомесяц на працягу паўтара гадоў.у-смартфон з аперацыйнай сістэмай Android ужо можна набыць менш, чым за $100.
Агульная колькасць праграм, якія можна запампаваць сабе на смартфон з аперацыйнай сістэмай Android, ужо перавысіла 400 тысяч.З іх ёсць і некалькі дзясяткаў, распрацаваных для беларускіх рэаліяў. Амаль усе яны арыентаваныя на Мінск, але выкарыстанне некаторых з іх можа зрабіць жыццё больш камфортным і для жыхароў іншых населеных пунктаў.
«Наша Ніва» прадстаўляеТОП-7 бясплатных праграм з Android Market, карысных для беларусаў.
Беларусь. Навіны
Баланс. BY
TransPot
Тэсты па правілах дарожнага руху
РБ Інформер
Карысныя тэлефоны Мінска
Radio of Belarus
1. Беларусь. Навіны https://market.android.com/details?id=com.daingo.news.belarus
Хуткі доступ да 15 самых папулярных навінных рэсурсаў. Сярод іх «Наша Ніва», «Хартыя’97», «Беларускі партызан»… Ёсць і некалькі расійскіх парталаў. Праграма даволі простая, фактычна гэта набор спасылак, якія выводзяць карыстальніка на запытаныя сайты.
2. Баланс.BY https://market.android.com/details?id=com.vladyud.balance
Праграма для кантролю свах рахункаў у рэжыме анлайн. Можна правяраць свой баланс ва ўсіх чатырох аператараў, а таксама ў большасці
3. TransPot https://market.android.com/details?id=com.transpot
Найлепшая праграма з раскладам сталічнага грамадскага транспарта. Калі ўвесці назву прыпынку, можна атрымаць спіс усіх маршрутаў, якія спыняюцца на ім, а таксама час іх прыезду. Існуе і ўбудаваная
4. Правілы дарожнага руху https://market.android.com/details?id=by.pdd.rules і Тэсты па правілах дарожнага руху https://market.android.com/details?id=by.pdd.tasks.test
Набор з дзвюх праграм, якія не даюць не забыцца на свае правы за стырном. Гэта інтэрактыўныя правілы дарожнага руху і тэст на іх веданне, такі самы, які здаецца ў аўташколах. Распрацоўшчык праграм — ПВУП «Новы паварот» — узгадняе свае пытанні з ДАІ, таму ў іх адпаведнасці правілам можна не сумнявацца.
5. Курсы валют
Якасных праграмаў для прагляду сітуацыі на валютным рынку таксама дзве. Калі патрэбны афіцыйны курс Нацбанка, варта ўсталёўваць «РБ Інформер» https://market.android.com/details?id=com.undejavue.android.widget. NBRBwdg. У дадатак у ім можна знайсці курс расійскага Цэнтрабанка і кошт паліва на запраўках. Калі ж цікавяць перадусім лічбы ў абменніках, лепш карыстацца праграмай «Курс валют у Беларусі і ў Мінску» https://market.android.com/details?id=com.app.ratesfinder. Яна мае мінімалістычны дызайн, але сваёй задачы дае рады. Вось толькі варта памятаць, што курс з сайта банка, які і бярэ праграма, не заўсёды актуальны.
6. Карысныя тэлефоны Мінска https://market.android.com/details?id=org.keyhell.muc
Тут усё проста. Даведнік, у якім сістэматызаваная безліч нумароў — ад аварыйных службаў да медыцынскіх паслугаў, дастаўкі ежы і таксі. Інфармацыя толькі па сталіцы.
7. Radio of Belarus https://market.android.com/details?id=info.belsmart.belradio
Як вынікае з назвы, гэта праграма для праслухоўвання радыё. У спісе 17 радыёстанцый, дзве траціны з якіх складаюць адгалінаванні інтэрнэтаўскага NetRadio. Астатняе — некалькі папсовых станцый папса і радыё TUT.by.
Праграма мае функцыю выпадковай радыёстанцыі пасля ўстрэсвання тэлефона. Многія карыстальнікі наракаюць, што праз гэта падчас прабежак слухаць канкрэтную музыку немагчыма — праграма пераскоквае са станцыі на станцыю.
У якасці дадатку прыводзіцца малапатрэбная інфармацыя пра адлегласць да геаграфічнага цэнтра Еўропы.
Як загрузіць праграмы?
Зайсці ў праграму «Маркет» у сябе на смартфоне і ўвесці ў пошук назву праграму са спасылкі. Напрыклад, для TransPot гэта «com.transpot» (частка спасылкі, якая ідзе пасля сімвалаў «id=«). Альбо спампаваць файлы з указаных спасылак сабе на камп’ютар, а пасля скапіраваць іх на смартфон і запусціць.
