У Беларусі згодна з новымі ўмовамі льготныя крэдыты на будаўніцтва жылля атрымаюць 30–35% маючых патрэбу ў паляпшэнні жыллёвых умоў. Аб гэтым паведаміў начальнік упраўлення жыллёвага будаўніцтва Міністэрства архітэктуры і будаўніцтва Аляксандр Горваль, каментуючы ўказ № 13 «Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў» ад 6 студзеня 2012 года.
Распрацоўшчык дакумента адзначыў, што чарга маючых патрэбу ў паляпшэнні жыллёвых умоў у мінулым годзе складала 866 тыс. чалавек. Амаль 80% з іх прэтэндавалі на льготныя крэдыты. «Аднак цяпер згодна з новымі ўмовамі яны (льготныя крэдыты. — Заўвага БЕЛТА) будуць выдавацца толькі 30–35 працэнтам маючых патрэбу ў паляпшэнні жыллёвых умоў, гэта значыць колькасць ільготнікаў у краіне зменшыцца ў 2–2,5 раза», — падкрэсліў ён.
Аляксандр Горваль нагадаў, што ва ўказе захавана большасць катэгорый грамадзян, якія і раней мелі права на льготнае крэдытаванне будаўніцтва жылля.
Да іх належаць ваеннаслужачыя, грамадзяне, якія маюцьшматдзетныя сем’і, грамадзяне, якія пражываюць не менш як дзесяць гадоў у інтэрнатах, маладыя сем’і, якія маюць двое непаўналетніх дзяцей, грамадзяне, якія пражываюць у старым і аварыйным жылым памяшканні, і іншыя.дзяцей-інвалідаў , інваліды з дзяцінства І і ІІ групы,
Спецыяліст дадаў, што з пераліку льготнікаў выключаны грамадзяне, якія проста належалі да малазабяспечаных па сваіх індывідуальных сямейных даходах. «Цяпер такія грамадзяне будуць крэдытавацца на іншых умовах — пад 31% гадавых, калі знаходзяцца на ўліку маючых патрэбу ў паляпшэнні жыллёвых умоў, або па камерцыйнай стаўцы», — адзначыў начальнік упраўлення жыллёвага будаўніцтва.
