43% беларускіх карыстальнікаў інтэрнэту наведваюць навінавыя сайты 1

У пяцёрку найбольш наведвальных грамадзянамі Беларусі інтэрнэт-рэсурсаў уваходзяць сацыяльныя сеткі, блогі, навінавыя, мультымедыйныя і адукацыйныя сайты.

Такія дадзеныя сацыялагічнага даследавання, праведзенага Інфармацыйна-аналітычным цэнтрам пры Адміністрацыі прэзідэнта (ІАЦ).

На першым месцы ў своеасаблівым рэйтынгу папулярнасці рэсурсаў сусветнай павуціны знаходзяцца пошукавыя сістэмы (адзначылі 59% карыстальнікаў). Сацыяльныя сеткі, блогі і ЖЖ размясціліся на другой пазіцыі (49%), навінавыя сайты (у тым ліку палітычныя рэсурсы) і мультымедыйныя сайты (музыка, фільмы і г.д.) — на трэцяй і чацвёртай (па 43%), адукацыйныя сайты, навуковая інфармацыя — на пятай (42,5%).

Далей ідуць паштовыя серверы (35%), інтэрнэт-крамы (32%), забаўляльныя сайты (19,5%), рэсурсы, прысвечаныя прыгажосці і здароўю (19%). Замыкаюць пералік анлайн-гульні (18%), сайты знаёмстваў (11%), карпаратыўныя сайты (8,5%).

Сацдаследаванне «Выкарыстанне сеткі Інтэрнэт у Рэспубліцы Беларусь» праводзілася ў снежні 2011 года. Ва ўсіх абласных цэнтрах краіны і Мінску, раённых цэнтрах і сельскіх населеных пунктах па месцы жыхарства метадам тэлефоннага інтэрв’ю было апытана 1 тыс. карыстальнікаў, старэйшых за 16 гадоў.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ