Упершыню на ачыстку Гродна ад снегу разам выйшлі камунальнікі горада і сельскія механізатары. Партнёрства аказалася эфектыўным.
Першы моцны снегапад сёлета абрынуўся на Гродна ў пятніцу каля пяці раніцы. І адразу ж да ачысткі галоўных магістраляў прыступілі мабільныя атрады «Спецаўтагаспадаркі». Таксама выйшлі на расчыстку тратуараў, прыпыначных пляцовак 280 дворнікаў. У гэтым годзе дворнікам працаваць значна лягчэй. Па распараджэнні старшыні аблвыканкама для «Спецаўтагаспадаркі» дадаткова закуплена 28 трактароў і тры снегапагрузчыкі «Залатыя ручкі». А з гарадскога бюджэту выдзелены 1 мільярд рублёў на закупку навяснога абсталявання для ачысткі ад снегу.
На золку ў Гродне з Шчучынскага і Гродзенскага раёнаў аўтобусамі прывезлі сельскіх механізатараў, якія ўключыліся ў працу. Працуюць яны разам з камунальнікамі горада на расчыстцы тратуараў і дваровых тэрыторый. Такое ў Гродне практыкуецца ўпершыню. Аграпрадпрыемства вылучылі горадзе 62 трактары для ўборкі снегу. Усе механізатары прайшлі навучанне, ведаюць замацаваныя за імі гарадскія тэрыторыі. Для вяскоўцаў зарэзерваваная гасцініца, арганізаванае харчаванне. Гэта свайго роду падзяка за дапамогу горада сялу на
— Пасля снегападу мы вывелі снегаачышчальнікі і 24 пескараскідальнікі, — кажа галоўны інжынер «Спецаўтагаспадаркі» Міхаіл Місюля. — Выдаткавалі 490 тон
Манеўр тэхнікай і новая тактыка арганізацыі ўборкі снегу дазволілі «Спецаўтагаспадарцы» ўжо з раніцы выйсці не толькі ў цэнтр, але і на ўскраіны горада. Чысцілі ад снегу дарогі на Вялікую Альшанку, у Аульс, за вёскамі Адамавічы, Чашчаўляны і ў іншых напрамках.
