Падпаліла дзверы ў кватэру

Уваходныя дзверы ў кватэру 39-гадовай жыхаркі Чысці (Маладзечанскі раён) загарэліся 19 студзеня. Нанесеная агнём шкода склала 1 мільён рублёў.

Пацярпелая звярнулася ў міліцыю, якая ўстанавіла, што гэта быў падпал.

На месцы здарэння аператыўнікі знайшлі абгарэлыя запалкі, сляды пальцаў рук, коўшык, бутэльку і пажарнае смецце.

Па падазрэнні ў падпале затрымалі 41-гадовую суседку пацярпелай. Крымінальная справа заведзена па другой частцы 218 артыкула — «Наўмыснае знішчэнне альбо пашкоджанне маёмасці, здзейсненае агульнанебяспечным спосабам».

Рэгіянальная газета

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ