1 лютага Украіна ўсё ж прыпыніла пастаўкі электраэнергіі ў Беларусь. Як паведаміла вядучы спецыяліст па сувязях з грамадскасцю і СМІ дзяржаўнага вытворчага аб`яднання «Белэнэрга» Людміла Гардзей, прыпыненне выклікана выключна тэхнічнымі прычынамі.
Нагадаем, сёння ўкраінскі «КоммерсантЪ» паведаміў, што пастаўкі ў Беларусь і Малдову спыненыя 1 лютага
Раней прадстаўнік «Белэнэрга» заяўляў БелаПАН, што інфармацыя аб прыпыненні паставак не адпавядае рэчаіснасці, кантракт з украінскай кампаній «Усходэнерга» выконваецца няўхільна.
Аднак цяпер у «Белэнэрга» пацвярджаюць інфармацыю, распаўсюджаную «КоммерсантомЪ». «Украіна, у сувязі з моцнымі маразамі, якія выклікалі дэфіцыт электраэнергіі ў краіне, была вымушана тэхнічна прыпыніць пастаўкі ў Беларусь. Аднак кантракт, заключаны з ТАА „Усходэнерга“, працягвае дзейнічаць, ён выконваецца», — заявіла Гардзей.
У Беларусі разлічваюць, што пастаўкі адновяцца «пасля аднаўлення ва Украіне нармальнага тэмпературнага рэжыму». «Паводле нашых разлікаў, на гэта спатрэбіцца некалькі дзён», — сказала прадстаўнік аб`яднання.
Кантракт заключаны пры ўмове папярэдняй аплаты паставак. У «Белэнэрга» падкрэсліваюць: паколькі лютаўскія пастаўкі былі аплачаныя яшчэ ў студзені, няма ніякіх падстаў гаварыць аб тым, што імпарт можа быць спынены