Новым прэм'ер-міністрам Румыніі прызначаны кіраўнік службы замежнай разведкі
Прэзідэнт Румыніі прызначыў на пасаду прэм'ер-міністра краіны кіраўніка службы замежнай разведкі Міхая Рэзвана Унгурана, яму таксама даручана сфармаваць новы ўрад.
У панядзелак кіраўнік урада Румыніі Эміль Бок паведаміў пра сыход у адстаўку пасля некалькіх тыдняў масавага пратэсту грамадскасці супраць уведзеных ім жорсткіх мер эканоміі.
Новы прэм’ер-міністр павінен на працягу дзесяці дзён абвясціць склад новага кабінета міністраў і падрыхтаваць праект урадавай праграмы, а таксама накіраваць у парламент запыт правесці галасаванне аб вынясенні вотуму даверу.
Акцыі пратэсту пачаліся ў сталіцы краіны яшчэ 12 студзеня. Амаль штодня маніфестанты праходзілі шэсцем па цэнтры Бухарэста, патрабуючы адправіць у адстаўку ўрад і прэзідэнта краіны Траяна Бэсеску.
Associated Press
Хочаш падзяліцца важнай інфармацыяй ананімна і канфідэнцыйна?
Пішы ў наш Тэлеграм
