Супрацоўнікі Цэнтральнага РУУС Мінска затрымалі
Як паведамілі ў ГУУС Мінгарвыканкама, малады чалавек пры дапамозе прыстасаванняў і фізічнай сілы ламаў замкі машын, пасля чаго з салона браў усё, што лічыў каштоўным, — ад аўтамагнітол да асабістых рэчаў уладальнікаў.
Вядома больш як пра дзесяць такіх крадзяжоў на тэрыторыі Цэнтральнага раёна. Правяраецца дачыненне затрыманага да падобных злачынстваў у іншых раёнах Мінска.
Начальнік Цэнтральнага РУУС Віктар Радзевіч адзначыў, што супрацоўнікі ўпраўлення зараз праводзяць комплекс мерапрыемстваў, скіраваных на спыненне і прадухіленне крадзяжоў з аўтамабіляў. Так, павялічана шчыльнасць нарадаў у начны час на дваровых тэрыторыях і каля аўтастаянак. Пры гэтым частка міліцыянераў патрулююць тэрыторыю ў форменным абмундзіраванні, асобныя групы супрацоўнікаў міліцыі нясуць службу ў цывільным адзенні.