«Беларусь-1» пакажа цырымонію «Грэмі» 2

13 лютага «Беларусь 1» пакажа ў вячэрнім эфіры тэлеверсію 54-й цырымоніі ўручэння прэміі «Грэмі».

Як паведамляе прэс-служба Белтэлерадыёкампаніі, каментаваць цырымонію ўручэння самай прэстыжнай музычнай узнагароды Нацыянальнай акадэміі гукапісу ЗША будзе карэспандэнт Першага нацыянальнага канала Беларускага радыё Павел Лазавік.

Лідэрам 54-й цырымоніі, якая пройдзе ў нядзелю ў Лос-Анджэласе, лічыцца Канье Уэст. Ён трапіў адразу ў 7 намінацый,

у тым ліку ў катэгорыі «Найлепшая песня года» і «Найлепшы рэп-альбом года».

На другім месцы сярод намінантаў — спявачка Адэль. Сярод іншых галоўных прэтэндэнтаў на перамогу — Лэдзі Гага, группf Foo Fighters, Бон Івер, Mumford & Sons, Бруна Марс, Кэці Пэры, Рыяна, Нікі Мінаж

і іншыя вядомыя выканаўцы.

Адзін з канцэртных нумароў сённяшняй цырымоніі будзе прысвечаны Уітні Х’юстан. Шасціразовая лаўрэатка «Грэмі» памерла ў сябе ў гасцінічным нумары ў ноч з 11 на 12 лютага. Напярэдадні, па звестках газеты The Los Angeles Times, Х’юстан брала ўдзел у рэпетыцыі канцэрту, які павінна была даць на прыёме ў гонар «Грэмі», аднак ужо тады, па сведчаннях відавочцаў, паводзіла сябе дзіўна, і рэпетыцыя давалася ёй няпроста.

Першапачаткова

меркавалася, што галоўным хітом «Грэмі» стане поп-зорка Адэль, якой трэба будзе выступіць на публіцы ўпершыню пасля аперацыі на звязках.

Як заявіў СМІ выканаўчы прадзюсер цырымоніі Кен Эрліх, «усё яшчэ занадта свежа, каб паспець зрабіць што-небудзь яшчэ,

але не прызнаць дзівосны ўклад Уітні ў музыку і не ўспомніць аб яе цесных сувязях з цырымоніяй „Грэмі“ і многіх атрыманых ёю узнагародах было б няправільна».

«Грэмі» прысуджаецца штогод у 108 катэгорыях па 30 музычных жанрах — ад класічнай музыкі да альтэрнатыўнай. Цырымонія ўручэння прэміі, якую называюць «Оскарам» музычнай індустрыі, з’яўляецца адным з самых яркіх і папулярных сусветных шоў.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ