У Чырвоным касцёле ладзяць набажэнствы для літоўцаў 11

Штонядзелю, а 10-й раніцы ў мінскім касцёле св. Сымона і св. Алены будзе адбывацца святая Імша на літоўскай мове. 

12 лютага літургію цэлебраваў Мітрапаліт Мінска-Магілёўскі арцыбіскуп Тадэвуш Кандрусевіч. У набажэнстве ўдзельнічалі шматлікія вернікі, у тым ліку і прадстаўнікі літоўскай дыяспары.

Набажэнствы на літоўскай мове раней ніколі не ладзіліся ў беларускіх храмах. Прадстаўнікі літоўскай дыяспары выказвалі падзяку за магчымасць маліцца на роднай мове.

Пасля святой Імшы Мітрапаліт Кандрусевіч асвяціў ваду, якую па традыцыі будуць раздаваць жадаючым у час Вялікага посту.

Народная Воля

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ