Былы намеснік начальніка Фрунзенскага РАУС Мінска Дзінас Лінкус атрымаў 4 гады ўзмоцненага рэжыму. Дзінаса Лінкуса асудзілі ў судзе Гродзенскага раёна паводле артыкула 426 ч. 3 за збіццё начальніка Шчучынскага раённага аддзела Дэпартамента аховы Аляксея Сяргея.
Да ўступлення прысуду ў сілу Лінкус застаецца на волі.
Дзінас Лінкус, якога толькі некалькі дзён як перавялі на пасаду начальніка ўпраўлення Дэпартамента аховы па Гродзенскай вобласці, збіў свайго падначаленага.
У Мінску Лінкус меў дачыненне да затрыманняў актывістаў апазіцыі, з ужыццём сілы, у часе акцый пратэсту.
