Нечаканка: Аляксандр Глеб стаў гульцом самарскіх «Крылаў Саветаў»

1. відэа найлепшых момантаў за «Арсенал»

23

Кантракт разлічаны на паўгода, да канца чэмпіянату Расіі. На сённяшні момант «Крылы Саветаў» займаюць 13-ы радок у чэмпіянаце Расіі і іх чакае напружаная барацьба за выжыванне.

Перад гэтым Аляксандр разарваў кантракт з найлепшым клубам свету «Барселонай». Гэта першы клуб Глеб на ўсход ад Барысава. Кар’ера Глеба праходзіла ў нямецкіх «Штутгурце», «Вольфсбурзе», англійскіх «Арсенале», «Бірмінгеме», іспанскай «Барселоне».

Зорным часам Глеба была гульня ў лонданскім «Арсенале», з якім беларус даходзіў да фінала Лігі чэмпіёнаў. Пасля пераходу ў «Барселону» кар’ера пайшла па нахільнай.

Глебу 3о гадоў, за зборную Беларусі ён правёў 55 матчаў, дзе забіў 6 галоў. «Крылы Саветаў» становяцца самым беларускім клубам у расійскай Прэм’ер-лізе. Апроч Глеба ў камандзе гуляюць варатар Сяргей Верамко, абаронцы Дзмітрый Молаш і Дзмітрый Верхаўцоў, нападаючы Сяргей Карніленка.

Зміцер Панкавец

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ