Пуцін запатрабаваў, каб працягаў «Хроснага бацькі» не было 24

Прэм’ер-міністр Расіі і кандыдат у прэзідэнты Уладзімір Пуцін заявіў, што серыял «Хросны бацька» — глупства і яго не павінна больш быць.

Праз сваю давераную асобу, расійскага чыноўніка і адначасова пісьменніка Валерыя Казакова, Пуцін паабяцаў спыніць усе інфармацыйныя войны з Беларуссю.

«На сустрэчы з даверанымі асобамі я паднімаў пытанне пра шчырасць узаемаадносінаў паміж Расіяй і Беларуссю.

Уладзімір Уладзіміравіч сказаў, што серыял «Хросны бацька» — глупства і гэтаму не павінна быць працягу ў будучыні.

Такая палітыка павінна быць дэзавуяваная», — сказаў Казакоў.

Па словах пісьменніка, Пуцін прызнаў, што «супрацьстаянне перайшло на побытавы ўзровень».

Ej.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ