«Europe’s Last Dictator»: новы фільм кінакампаніі Guerrilla Pictures.
Грамадзянская ініцыятыва Free Belarus Now і кінакампанія Guerilla Pictures запрашаюць на прэзентацыю дакументальнага фільма «Europe’s Last Dictator», прысвечанага актуальным падзеям у Беларусі.
Аўтары фільма — Мэт’ю Чарльз і Джуан Пасарэлі, дыктарка — Джаана Ламлі.
Напрыканцы прэм’еры чакаецца сесія пытанняў і адказаў, якую правядзе Джуліян Асанж.
Калі:
Чацвер, 1 сакавіка, 18:30 (уваход адчынены з 17:30)
Дзе:
The Old Vic Tunnels, Station Approach Road, SE1
Цана квітка: £11, можна набыць на сайце www.oldvictunnels.com
«Europe’s Last Dictator» — гэта новы фільм кінакампаніі Guerrilla Pictures. Зняты за мінулы год, ён распавядае пра катаванні, інспіраваныя ўладай забойствы і выкраданні людзей у Беларусі, дзе кіруе прэзідэнт Аляксандар Лукашэнка. Апавяданне вядзецца ад асобы Ірыны Багданавай (Саннікавай), лекара, што жыве ў паўднёвай Ангельшчыне, сястры Андрэя Саннікава, кандыдата ў прэзідэнты і палітычнага вязня.
Дыктарка, што агучвала фільм, акторка і актывістка Джаана Ламлі, тлумачыць, чаму яна вырашыла ўдзельнічаць у працы над фільмам: «Як многія людзі ў Вялікай Брытаніі, я нічога не ведала пра рэпрэсіўны характар сучаснай улады ў Беларусі, пакуль мяне не запрасілі далучыцца да дэманстрацыі пратэсту супраць арышту аднаго са шматлікіх палітычных вязняў у гэтай краіне — Андрэя Саннікава.
Па меры таго, як я ўсё больш даведвалася пра жорсткае і бесчалавечнае абыходжанне з іншадумцамі ў краіне, якая так блізка знаходзіцца да Вялікабрытаніі і мяжуе з ЕС, я адчувала, што павінна зрабіць усё, што можна, каб пашырыць інфармацыю пра жахлівыя факты катаванняў, якія адбываюцца ў гэты самы момант.Чым больш вонкавы свет будзе ведаць пра тое, што робіцца ў Беларусі, тым больш шанец, што гэтыя нявінныя людзі будуць вызваленыя».
Каментары