«Дзядзя Вова — фундамент і аснова» — фотарэпартаж 25
У Маскве прайшоў 100-тысячны мітынг у падтрымку Пуціна.
Прэм’ер-міністр і кандыдат у прэзідэнты Расіі выступіў на мітынгу ў сваю падтрымку на стадыёне «Лужнікі» ў Маскве. Прэм’ер з імправізаванай сцэны, збудаванай на поле стадыёна, звярнуўся да народа. Пуцін скончыў свой выступ фразай: «Бітва за Расею працягваецца — перамога будзе за намі».
Пасля чаго ён сышоў са сцэны і павітаў прысутных на стадыёне.
Стадыён запоўнены на 70 тысяч месцаў, каля 10 тысяч чалавек знаходзіцца непасрэдна на самым полі, яшчэ каля 20 тысяч засталося па-за «Лужнікамі». Тым самым на мітынг у падтрымку Пуціна сабралася каля 100 тысяч чалавек.
