Рэзідэнцыю на Мінскім моры дабудавалі 16

Шлагбаўм і плот на ўездзе ў рэзідэнцыю «Усход».

Домік аховы.

Гасцявая стаянка.

«Забароненая зона. Праход забаронены». Разам з калючым дротам і камерамі відэаназірання.

Праз дрэвы можна разглядзець некалькі домікаў.

Гэта хата з краю.

Рух забаронены, папярэджваюць выпадковых гасцей.

Спадарожнікавая мапа ад Яндэкса. На ёй відаць ужо дабудаваны басейн.

Мапа ад Гугла трохі даўнейшая.

Рэндар жылога комплексу.

Рэндары будынкаў.

Рэндары будынкаў.

Рэндары будынкаў.

Рэндары будынкаў.

Пра новую таямнічую рэзідэнцыю, якая будуецца на беразе Мінскага мора, «Наша Ніва» ўпершыню напісала ў ліпені 2011 года. Тады чытач з Мінскага раёна паведаміў нам пра

«новыя Дразды» — невялікі раён на пяць домікаў з лазняй, басейнам і фізкультурна-аздараўляльным комплексам.

У лесе каля Мінскага мора якраз знайшоўся той самы жылы комплекс «Усход». Элітнае будаўніцтва тады яшчэ працягвалася. Забудоўшчык — СААТ «УсходБел» — па «выпадковым» супадзенні меў той аднолькавы юрыдычны адрас з кампаніяй «Ітэра-Бел», якая атрымала ўчастак пад бізнэс-квартал«Мінск-Сіці».

А вось будаўнічыя працы, напрыклад, праводзіла ТАА «ТДТ», якое дагэтуль вызваленае ад падатку на прыбытак як удзельнік будаўніцтва «Мінск-Сіці».

Гэтыя факты ўскосна пацвярджалі інфармацыю, што рэзідэнцыя на Мінскім моры пабудавана расійскай «Ітэрай» узамен на ласы кавалак пасярод Мінска.

Цяпер, калі расіяне не паразумеліся з беларускімі ўладамі і аказаліся выкінутыя з рэалізацыі «Мінск-Сіці», мы вырашылі яшчэ раз палюбавацца на новую рэзідэнцыю.

З часу папярэдняй паездкі прайшла больш чым паўгода.

За гэты час на павароце да «Усходу» ўзнік знак «Рух забаронены». Забаранілі, дарэчы і спыняцца на дарозе.

Кіруемся знаёмым маршрутам. Ужо здалёк відаць, што адбыліся істотныя змены. Па-першае, усе будаўнічыя часовыя пабудовы зніклі разам з пашпартам аб’екта, вызваліўшы месца пад міні-стаянку для аўтамабіляў. Па-другое,

па ўсім перыметры агароджы з’явіўся калючы дрот — відаць, гасцей ва «Усходзе» не чакаюць. Каб іх папярэдзіць іх з’яўленне, растаўленыя і камеры відэаназірання. А каб зусім застрашыць выпадковых мінакоў, вісяць таблічкі «Забароненая зона. Праход забаронены»

Адметна, што рамонтнікі, якія круцяцца побач з дарогай, не задумваючыся, называюць комплекс «рэзідэнцыяй». «Як ты кажаш? «Усход»? — смяюцца яны. — 

Рэзідэнцыя гэта, што ж яшчэ».

Па спадарожнікавым здымку можна разглядзець, што будаўнікі дарабілі ў элітным пасёлку міні-футбольнае поле і басейн, каб гаспадары «маёнткаў» маглі займацца спортам. Разабраць астатнія здымкі складаней, але, як і пісаў наш чытач, год таму, тры вялікія дамы тут ёсць.

Ахоўнікі на ўваходзе ў комплекс нешматслоўныя.

«Пакіньце, калі ласка, тэрыторыю. Мы не ўпаўнаважаныя з вамі размаўляць», —

адказваюць яны на ўсе пытанні, так і не намякнуўшы, што за вялікая сям’я хаваецца за калючым дротам рэзідэнцыі, якую ахоўваюць з прэзідэнцкім размахам.

Ягор Марціновіч

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ