Учора ўвечары 23 лютага 23 прыватныя дамы ў Маладзечне засталіся без электрычнасці. Прычынай паслужыла тое, што кіроўца Chrysler Pacifica знёс два слупы.
Разбіты аўтамабіль ён пакінуў на месцы здарэння, а сам уцёк, распавялі ў Міністэрстве па надзвычайных сітуацыях.
Паведамленне паступіла каля 23:40. Без святла засталіся дамы па вуліцах Гарадоцкай, Чэхава і Агінскага. Па інфармацыі МНС, аб’екты жыццязабеспячэння пад адключэнне электраэнергіі не патрапілі.
На месца выехалі супрацоўнікі ДАІ. Вядзецца пошук кіроўцы. Работы па аднаўленні электразабеспячэння завяршаюцца.
0
0
0
0
0
0
