Прадзюсар Ланской: мы былі пэўныя, што Алёна перамагла заслужана 20

Прадзюсар Алёны Ланской Сяргей Краўцоў быў упэўнены, што перамогу ў нацыянальным адборачным конкурсе «Еўрафэст», спявачка атрымала заслужана, і жадае ўбачыць вынікі галасавання гледачоў.

«Даведаўшыся, што перамога на самой справе належыць не нам, я вельмі здзівіўся Прычым даведаўся я гэта зусім нядаўна (размова адбылася за некалькі хвілін да пачатку прэс-канферэнцыі, прысвечанай перагляду вынікаў „ЕўраФэсту“. — ІФ). Натуральна, вельмі б хацелася ўбачыць вынікі галасавання гледачоў сваімі вачыма, але я не ўяўляю, як гэта можна зрабіць і да каго трэба звяртацца», — прызнаўся С.Краўцоў.

Прадзюсар заявіў, што з «шкадаваннем» ставіцца да таго, што ўсё-такі не Алёна Ланская будзе прадстаўляць Беларусь на «Еўрабачанні».

«Мы былі ўпэўненыя, што Алёна перамагла заслужана, і ў нас былі для гэтага ўсе падставы

Да гэтага галасавання мы рыхтаваліся загадзя: падключылі наш фан-клуб, шматлікіх сяброў і знаёмых», —

распавёў прадзюсар спявачкі.

Сама

А.Ланская адмаўляецца размаўляць з журналістамі.

Як паведамляюць СМІ, галоўны прыз конкурсу — «Сінюю птушку» з камянёў Swarovski — спявачка вярнула арганізатарам конкурсу яшчэ 23 лютага. Гэты прыз быў уручаны групе Litesound на сённяшняй прэс-канферэнцыі, прысвечанай перагляду вынікаў конкурсу.

Interfax.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ