У Слоніме дэмантавалі помнік Леніну 24

Манумент правадыра Кастрычніцкай рэвалюцыі, які знаходзіўся ля будынка аўтарамонтнага завода (АРЗ), прыбралі ў аўторак.

У кіраўніцтве АРЗ растлумачылі, што частка будынка завода і прылеглыя тэрыторыі, на якой знаходзіўся помнік, былі прададзеныя прыватнаму прадпрыемству «Вокны-стыль».

Як растлумачыў карэспандэнту «Газета Слонімская» дырэктар прадпрыемства «Вокны-стыль» Аляксей Гусёнак, Ленін быў дэмантаваны ў сувязі з добраўпарадкаваннем тэрыторыі.

Прыбралі помнік са згоды аддзелаў архітэктуры, культуры і ідэалогіі мясцовага выканкама.

Далейшы лёс бюста будзе вырашаць ўлада, зараз ён перавезены на захоўванне.

region4.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ