Меркаванні5151

Спіс закладнікаў расце: рэдактара «Нашай Нівы» таксама не выпусцілі

Андрэй Дынько: «Гэта высокая ацэнка працы газеты і сайта NN.by».

Шэф-рэдактара «Нашай Нівы» Андрэя Дынько раніцай 14 сакавіка не выпусцілі з Беларусі.
Яго ссадзілі з цягніка «Мінск — Вільня». Прычыну абмежавання права на выезд памежнікі не ўдакладнілі, параіўшы звяртацца ў Аддзел міграцыі і грамадзянства МУС на месцы жыхарства.

Такім чынам з’явілася новае пацверджанне наяўнасці спісу невыязных з Беларусі грамадскіх дзеячаў. Афіцыйна наяўнасць такога спісу не абвяшчалася.

А. Дынько наступным чынам пракаментаваў забарону на выезд:

«Забарона на выезд — гэта высокая ацэнка працы газеты «Наша Ніва» і сайта NN.by, а таксама мяне як інтэлектуала. Што цікава,

крыніцы ў высокіх структурах тлумачылі, што ў спіс увойдуць асобы, якія выказваліся за ўвядзенне санкцый супраць Беларусі. У сілу сваёй прафесіі і спецыялізацыі я на тэму санкцый ніколі не выказваўся. Таму мой выпадак – гэта доказ таго, што насамрэч гэта звычайны спіс заложнікаў.
У асабістым сэнсе гэта, ясная рэч, зменіць мой лад жыцця. Раней я ўвесь час ездзіў па свеце з лекцыямі, дакладамі, выступамі. Зараз гэта будзе немагчыма. На гэтае лета мы з дзецьмі планавалі з’ездзіць на тыдзень у Кіеў да сяброў – таксама адпадае.
Разумець, што ты ў закладніках, — своеасаблівае пачуццё. Але таксама ёсць разуменне, што ў беларускіх умовах гэта вялікі гонар, — жартуе Андрэй Дынько. — Не кожны можа такім пахваліцца».

Цягам апошніх дзён некалькі грамадскіх дзеячаў Беларусі не змаглі пакінуць краіну, усе яны былі затрыманыя на беларуска-літоўскай мяжы. 7 сакавіка ў Вільню не прапусцілі лідара АГП Анатоля Лябедзьку і сябра АГП Аляксандра Дабравольскага, 10 сакавіка не выпусцілі з Беларусі Сяргея Калякіна («Справядлівы свет») і Віктара Карняенку. Праўда, усе яны потым трапілі ў Літву праз Расію.

11 сакавіка на памежным пераходзе «Каменны Лог» не выпусцілі з Беларусі праваабаронцу Валянціна Стэфановіча,
які разам з жонкай і двума дзецьмі па асабістых справах кіраваўся ў сталіцу Літвы.

Нагадаем, што ў панядзелак начальнік Дэпартамента па грамадзянстве і міграцыі Міністэрства ўнутраных спраў Аляксей Бягун на просьбу Еўрарадыё пракаментаваў сітуацыю з «чорным спісам» беларускай апазіцыі.

«Я не ведаю, хто там ім (грамадскім дзеячам) прастаўляў штампы і хто не прапускаў. У нас няма адпаведнай інфармацыі па гэтым пытанні. Прынамсі, па гэтых фактах мы ніякай інфармацыяй не валодаем», — сказаў Аляксей Бягун.

Паводле Бегуна, звяртацца па тлумачэнні неабходна да тых, хто выносіў рашэнне пра абмежаванне права гэтых людзей на выезд. А звяртацца ў Дэпартамент з гэтай нагоды няма сэнсу.
Праўда, куды трэба пісаць, Аляксей Бягун патлумачыць не здолеў.

Таксама ўчора стала вядома, што не атрымаў беларускай візы супрацоўнік Радыё Свабоды з Прагі, перакладчык Сяргей Шупа, які меўся весці ў Мінску прэзентацыю кнігі Альгерда Бахарэвіча (22 сакавіка).

Каментары51

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Усе навіны →
Усе навіны

Стала вядома, куды ўладкаваўся былы гендырэктар МТС Уладзіслаў Андрэйчанка6

Страты расійскай арміі ў 2024-м значна выраслі. Памірае 200-250 байцоў за дзень15

У Байдэна дыягнаставалі каранавірус1

788 украінскіх вайскоўцаў зніклі без вестак у баях за сяло Крынкі Херсонскай вобласці5

Улады ЗША абвінавацілі неанацыста з Грузіі ў падрыхтоўцы масавага атручвання дзяцей у Нью-Ёрку5

Круты выказаў спачуванні родным загінулых падчас урагану. Але не Лукашэнка5

Высокаінтэнсіўныя фізічныя нагрузкі ў старасці паляпшаюць памяць

У Святланы Ціханоўскай мяняецца дарадца па прававых пытаннях24

Латушка заклікаў журналістаў і праваабаронцаў з Еўропы скарыстацца з бязвізу8

больш чытаных навін
больш лайканых навін

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Галоўнае
Усе навіны →