У найбліжэйшыя суткі днём чакаецца не вышэй за плюс 5°С

Паводле прагнозу Рэспубліканскага гідраметэацэнтра, у найбліжэйшыя суткі ў Беларусі будзе пераменная воблачнасць. Па ўсходзе краіны, а днём і па заходняй палове Гродзенскай і Брэсцкай абласцей невялікія ападкі (снег, мокры снег, дождж). Па ўсходняй палове на асобных участках дарог галалёдзіца. Вецер паўночны, паўночна-заходні 5–10 м/с, парывы да 14 м/с, па ўсходзе месцамі да 15–18 м/с. Тэмпература паветра ноччу мінус 1–7°С, днём мінус 1 — плюс 5°С.

У Мінску 15 сакавіка без ападкаў. Вецер паўночны, паўночна-заходні 5–10 м/с, парывы да 14 м/с. Тэмпература паветра ноччу мінус 3–5°С, днём плюс 1–3°С.

У наступныя двое сутак воблачна з праясненнямі. 16 сакавіка ноччу месцамі па заходняй палове, днём у асобных раёнах краіны невялікія ападкі (мокры снег, які будзе пераходзіць у дождж). Ноччу і раніцай месцамі слабы туман, галалёд, на дарогах галалёдзіца. Вецер паўночны з пераходам на паўднёва-заходні 3–8 м/с. Тэмпература паветра ноччу мінус 6 — плюс 1°С, па ўсходняй палове мінус 7–14°С,

днём ад мінус 1°С па ўсходзе да плюс 9°С па захадзе.

17 сакавіка ноччу ў паўночна-ўсходніх раёнах, днём месцамі па Віцебскай вобласці невялікія ападкі, у асноўным дождж. Ноччу і раніцай месцамі туман, на дарогах галалёдзіца. Вецер паўднёва-заходні 4–9 м/с. Тэмпература паветра ноччу мінус 4 — плюс 3°С,

днём плюс 4–10°С, па паўднёвым захадзе да плюс 15°С.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ