Алене Семенчуковай, якую 20 сакавіка затрымалі з такім плякатам у цэнтры Віцебску, прысудзілі штраф памерам 175 тысяч.
Суддзя суда Чыгуначнага раёна Віцебска Алена Цыганкова прызнала актывістку «Еўрапейскай Беларусі» парушальніцай заканадаўства аб масавых мерапрыемствах.
«Дзяўчына не адмаўляла, што выйшла з плакатам „Свабоду Сяргею Каваленку“ на самую шматлюдную вуліцу горада. Але яна не пагадзілася, што парушыла гэтым заканадаўства: цвердзіла, што проста скарыстала сваё права на свабоду выказвання ўласных перакананняў», — паведаміў праваабаронца Павал Левінаў, які прысутнічаў на судовым працэсе.
Штраф памерам 175 тысяч (5 базавых велічыняў) Алена Семенчукова збіраецца абскарджваць у абласным судзе.
0
0
0
0
0
0