Каваленку прывезлі ў «Віцьбу-3». Жонцы дазволілі спатканне

Галадоўніка Сяргея Каваленку прывезьлі ў калонію «Віцьба-3». Пра гэта Алене Каваленцы, жонцы палітвязня, паведамілі ў Віцебскім абласным судзе, дзе ёй далі дазвол на спатканне з мужам сёння, 27 сакавіка.

Пра гэта «Свабодзе» паведаміў намеснік старшыні партыі КХП-БНФ Юрась Беленькі, які апякуецца Сяргеем Каваленкам.

«Алена пазваніла, што мае ўжо дазвол на спатканне і едзе ў калонію, каб неадкладна пабачыць Сяргея. Такім чынам, звесткі пра яго будуць пазней», — сказаў Юрась Беленькі.

Паводле супрацоўнікаў мінскага ізалятара на вуліцы Валадарскага, Сяргея Каваленку этапавалі ў «Віцьбу-3» у ноч на 26 сакавіка. Дзяжурны Дэпартамэнта выканання пакаранняў МУС запэўніў раніцай 27 сакавіка, што Каваленку прывязуць у калонію Віцьба-3 «у блізкім часе».

Сяргей Каваленка да этапавання трымаў галадоўку пратэсту супроць незаконнага, як ён лічыць, прысуду.

Актывіста КХП БНФ пакаралі зняволеннем на 2 гады і месяц за парушэнне рэжыму адбыцьця «хатняй хіміі» пасля таго, як ён вывесіў бел-чырвона-белы сцяг на ёлцы ў Віцебску.

Радыё «Свабода»

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм