Хто стане рок-каралём Беларусі? 7

Апошні раз такое было тры гады таму — тады «Рок-Каранацыя» ўпершыню прайшла не ў «Казе» «Мінск», а ў Палацы культуры Маладзечна (Цэнтральны пляц, 4). 31 сакавіка эксперымент паўтораць

 — арганізатары «Каранацыі» лічаць, што маладзечанская публіка можа пераўтварыць цырымонію ў сапраўднае свята.

Пры гэтым «Рок-Каранацыя» ізноў мяняе фармат — калі летась яна ўяўляла сабой падвядзенне вынікаў за ўсю гісторыю рок-н-рола эпохі незалежнасці, дык у 2012

журы абярэ рок-гурт года, альбом года, гурт-прарыў, поп-рок-гурт, песню года і падзею года.

У канцэрце возьмуць удзел: Аляксандр Кулінковіч, Drum Ecstasy, Akute, Znich, ZM99, а таксама гурт J-морс,

якому арганізатары аддалі ўсю другую палову шоу. Па-першае, «морсы» ніколі на «Каранацыі» не выступалі, а па-другое, яны, відаць, самая папулярная каманда з тых, якія свабодна гастралююць у Беларусі.

Цана квіткоў — ад 60 000 да 90 000 рублёў. Тэлефоны для даведак: (29) 254-49-09, (29) 671-58-65. Пачатак канцэрта — а 18.00.