Голас заўсёды стрыманага і разважлівага Уладзіміра Кудласевіча, дырэктара прадпрыемства «Баранавічырамстрой», на гэты раз прыкметна дрыжаў: «Ва ўрочышчы Гай вандалы паздзекаваліся з помніка загінулым чэшскім грамадзянам».
Невядомыя апаганілі ніжнюю частку мемарыяла — скульптуру з чалавечых рук, якія цягнуцца да неба.Па-варварску , сякерай, высечаныя кавалкі чыстай медзі, з якой зроблены помнік.
Мемарыял быў адкрыты 24 чэрвеня 1972 года ў памяць аб трох тысячах чэхаславацкіх грамадзян, расстраляных фашыстамі ва ўрочышчы Гай у чэрвені
Гэта не першае апаганенне мемарыяла. Гадоў дзесяць таму помнік пацярпеў ад стрэлаў паляўнічых. І знайшлі ж месца…
Праз нейкі час вандалы залезлі ўсярэдзіну скульптуры і выразалі частку меднага барэльефа з параднага боку. Майстры «Баранавічырамстроя»
Але яна з’явілася.
Гэтым разам злачынцы, інакш гэтых людзей не назавеш, схаваліся за мемарыял і рабілі сваю чорную справу з боку Гая. Рэстаўраваць скульптуру цяпер, як кажуць, падручнымі матэрыяламі не выйдзе. Патрэбная менавіта ліставая медзь таўшчынёй 1,5–2 міліметры.Паводле слоў Уладзіміра Кудласевіча, на гэтую працу прыйдзецца выдаткаваць немалыя сродкі.
— Мы паспрабуем аднавіць мемарыял да 1 мая. Але хто спыніць вандалаў? І дзе гарантыя, што яны не прыйдуць сюды яшчэ і яшчэ?..
У праваахоўныя органы пададзеная заява пра факт вандалізму. Вельмі хацелася б, каб нягоднікаў знайшлі. … Зашчымела сэрца ад частага, трывожнага звону над мемарыялам.
Па кім звініць звон?
