12 красавіка ў Свята-Петрапаўлаўскім саборы (на Нямізе) адбудзецца развітанне з Арынай Вячорка. Пра гэта ў фэйсбуку паведаміў яе сын Франак Вячорка. 12:30—13:30 пройдзе адпяванне, 13:30—14:30 — грамадзянская паніхіда. Пахаванне ў Міханавічах. Вечарам а 19-й — памінкі.
Нагадаем, што 50-гадовая Арына Вячорка памерла 9 красавіка ў Вільні. 5 красавіка ў віленскім аэрапорце Вільні ў яе здарыўся інсульт. Ад таго часу яна заставалася ў коме.