«Калі ёсць стол, шклянкі і свечкі — можам з ім звязацца» 1

Арганізатары Алімпіяды ў Лондане звярнуліся да мэнэджара гурту The Who, каб запрасіць бубнача Кіта Муна на канцэрт у гонар закрыцця Алімпійскіх гульняў. Кур’ёз сітуацыі ў тым, што Кіт Мун памёр у 1978 годзе.

Мэнэджар адказаў: «На сённяшні дзень Кіт Мун знаходзіцца на тэрыторыі крэматорыя Golden Green і з’яўляецца ўвасабленнем радка з песні My Generation „Спадзяюся, што памру да таго, як састарэю“. Але калі аргкамітэт Алімпіяды мае круглы стол, шклянкі і свечкі, мы дапаможам правесці спірытычны сеанс і звязацца з Мунам».

Гурт The Who разам з The Beatles, The Rolling Stones і The Kinks стаў сімвалам «брытанскага прарыву» ў канцы 60-х. Сярод заслуг гурту — стварэнне адной з першых рок-операў «Tommy». Бубнач Кіт Мун славіўся агрэсіўнай манерай ігры, шалёным ладам жыцця, а таксама звычкай ламаць барабаны ў канцы канцэртаў.

ЮУ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ