Школьнікі абакралі вясковую краму 1

Ноччу 24 красавіка абакралі магазін у вёсцы Пралескі Радашкавіцкага сельсавета. З касы крамы знікла выручка — 22 мільёны 385 тысяч 520 рублёў. Па падазрэнні ў злачынстве затрымалі навучэнца прафесійна-тэхнічнага каледжа і вучаніцу дзявятага класа.

Паводле інфармацыі прэс-службы мінскай абласной міліцыі, 18-гадовы хлопец і 16-гадовая дзяўчына трапілі ў магазін, падабраўшы ключ. Крымінальная справа заведзена па другой частцы 205 артыкула Крымінальнага кодэкса — «Крадзеж, здзейснены групай асобаў».

Сяргей Зянько, Рэгіянальная газета

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ