Брэсцкія актывісты Моладзі БХД зладзілі акцыю супраць пабудовы атамнай электрастанцыі ў Беларусі.
Падчас акцыі маладзёны ў адгазніках раздавалі мінакам паштоўкі з выявамі наступстваў Чарнобыльскай катастрофы. Адзін з актывістаў пачапіў на шыю шыльду з надпісам «1986-201? Не — АЭС». Таксама актывісты размясцілі ў Брэсце шыльды з надпісам «Не — АЭС!»
Як расказаў актывіст Яўген, акцыя была накіраваная на тое, каб людзі задумаліся пра наступствы развіцця атамнай энергетыкі:
«Людзі ў адгазніках выглядаюць вельмі прыгнятальна. Гэта змусіць мінакоў падумаць, ці патрэбная АЭС у Беларусі».