З украінскім прэзідэнтам Віктарам Януковічам адбыўся чарговы канфуз падчас выступу з нагоды Дня перамогі, паведамляе «Украінская праўда».
Гэта відаць з відэа, апублікаванага ў эфіры канала ТВi.
Януковіч чытаў сваю прамову з паперкі і няправільна расставіў паўзы ў тэксце выступу.
Звяртаючыся да ветэранаў, ён сказаў: «Вы прайшлі праз пекла вайны (паўза) З фашызмам да канца выконвалі свой абавязак перад радзімай».
Гэта значыць замест фразы «вы прайшлі праз пекла вайны з фашызмам» стваралася ўражанне, што ветэраны разам з фашыстамі «да канца выконвалі свой абавязак».